Kailari post कैलारी पाेष्ट

महानायक राजेश हमाल एउटा जोक्स दोहोर्‍याइरहन्छन्- ‘चलचित्र क्षेत्रको अनुभव लामो भए पनि उमरे त २१ नै हो। ’ सार्वजनिक कार्यक्रम होस् या महोत्सव हमालको यो जोक्स आइहाल्छ। बुधबार ‘नेपाल अन्तर्राष्ट्रिय फिल्म फेस्टिभल’ (निफ)मा आफ्नो कथा सुनाउन स्टेज उक्लिएका हमालले पुरानै जोक्स दोहोर्‍याए। उनको जोक्सले राष्ट्रिय सभागृहको माहोल जुर्मुरायो। सिटी र तालीको गडगडाहट चल्यो। तथापि हमालले हरेका कार्यक्रममा २१ वर्षे धाँक लगाउनुको रहस्य खोल्न भ्याए। ‘पेसाले मलाई जहिलै जवान भइरहनुपर्ने, तर मेरो बुबा ऊ बेला २२ वर्षमा डिग्री सकेर पाल्पा आउनुभएको रे। जवान हुँदै उहाँलाई परिपक्क देखिनुपर्ने,’ हमाल स्मृतिमा फर्किए, ‘मलाई याद छ बुबालाई कतिसम्म परिपक्क हुने हतारो थियो भने, टाउकोको एउटा कपाल फुल्दा पनि गर्व गर्दै भन्नुहुन्थ्यो, ‘लु हेर मेरो एउटा कपाल फुल्यो।’ सभागृह प्रेक्षालयमा भएका दर्शक र शुभचिन्तकमाझ हमाल आफ्नो अभियन यात्रासँगै पारिवारिक पृष्ठभूमि र सम्बन्धका बारेमा पनि खुल्न थाले। ‘पाकिस्तान हिँड्ने बेलामा बुबाले मलाई बिदाइको हातसम्म हल्लाउनु भएको थिएन। किनकि, मेरो रोजाइप्रति उहाँ सन्तुष्ट ह...

लक्की चौधरी पश्चिमा थारूहरूले मनाउने विशेष पर्व हो– ‘माघ’ । उच्चारण गर्दा यसलाई ‘माघ, माघी, खिचरा, तिला सङ्क्राइत, माघेसङ्क्रान्ति’ पनि भनिन्छ । पूर्वका थारूले ‘तिला सङ्क्राइत’ भन्छन् भने बीच (कपिलवस्तु–चितवन) का थारूले खिचरा भन्छन् । पश्चिम कञ्चनपुरदेखि पूर्वको झापासम्म तराईको जिल्लामा थारूहरूको बसोवास छ । ठाउँअनुसार यो पर्वको नाम फरक भएको हुन सक्छ । यद्यपि, माघेसङ्क्रान्तिको नामले सबै नेपाली समुदायले यस पर्वलाई माघ १ गते मनाउने प्रचलन रहँदै आएको छ ।  बाह्र महिनामध्ये माघ महिनाको नामबाटै यो पर्वको नाम ‘माघ’ रहन गएको सत्य हो । यद्यपि, पछि यसलाई ‘माघी’ भनी सम्बोधन गर्न थालियो । विशेषगरी थारू समुदायको छाता सङ्गठन थारू कल्याणकारिणी सभा (थाकस) ले २०५९ सालदेखि काठमाडौंमा माघी महोत्सव मनाउन शुरु गरेपछि माघलाई माघी भन्न थालियो । पश्चिमका थारूले यो पर्वलाई माघका रूपमा मनाउँछन् । तर, पूर्वका थारू र काठमाडौँ उपत्यकामा कामविशेषले बसोवास गर्ने थारूहरूले साझा पर्वका रूपमा माघलाई ‘माघी’का रूपमा मनाउँदै आएका छन् । उच्चारण जुन शब्दबाट गरिए पनि आखिर भन्न खोजेको ‘माघ’ नै हो । यो पर्वको सुरुवात प...