खेलकुद सुरु

कैलारी
एक कार्यक्रमकाबीच गाउँपालिकाका अध्यक्ष लाजुराम चौधरीले प्रतियोगिताको उद्घाटन गरेका छन् । सो अवसरमा गाउँपालिका प्रवक्ता एवम् वडा नम्बर ७ का वडा अध्यक्ष कमलप्रसाद चौधरी, वडा नम्बर ५ का वडा अध्यक्ष विष्णुप्रसाद चौधरी, शिक्षा शाखा प्रमुख गणेश मिश्र लगायतको सहभागिता रहेको थियो । 
तीन दिनसम्म चल्ने प्रतियोगितामा १०० मिटर, २०० मिटर, ८०० मिटर, १६०० मिटर र ३००० मिटर दौड प्रतियोगिता हुने जनाइएको छ । यसैगरी, १०० र ४०० मिटरको रिले दौड प्रतियोगिता पनि रहेको छ । यस्तै, भलिबल, हाइजम्प, लङजम्प, त्रिपल जम्प, ज्याभलिङ थ्रो, शटफुट, कबड्डी प्रतियोगितासमेत रहेको शिक्षा शाखा प्रमुख मिश्रले जानकारी दिए । राष्ट्रपति रनिङ शिल्ड प्रतियोगितामा ९ देखि १२ कक्षासम्मका छात्राछात्रको सहभागिता रहेको जनाइएको छ ।

, माघ । कैलारी गाउँपालिका विद्यालय स्तरीय राष्ट्रपति रनिङ शिल्ड प्रतियोगिता सोमबारदेखि सुरु भएको छ ।

वडा नम्बर १, ५ र ७ का विद्यालयको खेल जनकल्याण माध्यमिक विद्यालय पवेरामा भइरहेको छ । यस्तै, वडा नम्बर २, ३ र ४ का विद्यालयको खेल जनकल्याण माध्यमिक विद्यालय के गाउँमा भइरको छ । यसैगरी, वडा नम्बर ६, ८ र ९ मा रहेको विद्यालयको खेल जानकी माध्यमिक विद्यालय बनकट्टामा भइरहेको छ । प्रतियोगितामा ९ वटा सामुदायिक र दुई वटा संस्थागत गरी ११ वटा विद्यालयले सहभागिता जनाएका छन् । 
रनिङ शिल्ड प्रतियोगितासंगै अतिरिक्त क्रियाकलाप पनि भइरहेको जनाइएको छ । अतिरिक्त क्रियाकलापमा कक्षा १ देखि ३ सम्मका विद्यार्थीका लागि जलेबी दौड, मेच घुमाइ, ५० मिटर दौड र पठनसीप प्रतियोगिता सञ्चालन गरिएको छ । कक्षा ४ र ५ का विद्यार्थीका लागि गणीतिय दौड, चम्चा दौड, १०० मिटर दौड, चित्रकला र श्रुति लेखन प्रतियोगिता सञ्चालन गरिएको जनाइएको छ । 
यस्तै, कक्षा ६ देखि ८ सम्मका विद्यार्थीका लागि १०० मिटर रिले दौड, २०० मिटर दौड, लङजम्प, वक्तृत्वकला, हाजिरी जवाफ प्रतियोगिता सञ्चालन गरिएको मिश्रले जानकारी दिए